إضحك مع قفشات ونكت الأهلي والزمالك قبل القمة!!!!!!!

نقلا عن"شبكة فكرتنا الإخبارية"


أيام قليلة ويلتقى قطبا الكرة المصرية (الأهلى والزمالك) فى واحد من أقوى اللقاءات الكروية ، ومع اقتراب موعد المباراة يطلق مشجعو "الزمالك "النكات على الأهلى ، ويبادلهم جمهور "الأهلى" الملحمة الهزلية .." شبكة فكرتنا الاخبارية " رصدت لكم أطرف ما قيل عن الفرقتين .
×× الصعايدة قالوا احنا هنقدم شكوى للرئيس
كل النكت علينا لازم يشوف لنا حل
قال لهم الرئيس : هاسألكم سؤالين . موافقين ؟
قالوا: موافقين
السؤال الاول: معركة بدر كانت بين مين ومين ، ومين اللي إنتصر فيها ؟
قالوا: بين المسلمين والكفار وانتصر فيها المسلمين
السؤال الثاني :مبارة الكأس العام الماضي بين مين ومين ، ومين أخذ الكاس ؟
قالوا: بين الاهلي والزمالك وفاز الاهلي وأخد الكاس
راح واحد منهم قال: يعني على كده هيلعب الزمالك والكفار على الثالث والرابع .
-------------------------------------------------------------------------
×× مره بيسألو سوق التاكسى ايه الفرق بين التاكسى والزمالك قال السواق : التاكسى غلبان بيشل 4 ركاب اما الزمالك بيشيل 6 .
----------------------------------------------------------------------------
×× مره واحد زملكاوى راح إشترى بطيخه .. فطلعت حمرا.. راح مرجعها
-----------------------------------------------------------------------------
×× مره واحد زملكاوى بيوقف تاكسى بيقوله 6 اكتوبر فقاله لا ستة واحد
------------------------------------------------------------------------------
×× مره واحد زملكاوى اشترى ساعه كل ماتيجى الساعه 6 تقول له بيبو بيبو بيبو
-----------------------------------------------------------------------------
×× مره واحد زملكاوى حب يتجوز واحده اهلاويه جابوا المأذون من ايطاليا
-------------------------------------------------------------------------
×× واحد زملكاوى متعصب خطب واحدة بيسالها عن عيد ميلادها قالت له 6\1 فسخ الخطوبة
-----------------------------------------------------------------------
×× مره واحد زملكاوي شاور لتاكسي قاله رايح ابوالعلا السائق قاله لا : رايح ابو تريكه
---------------------------------------------------------------------
×× واحد اهلاوى قاعد فى المدرجات عمال يقول اهلى اهلى افتكروه تايهه
---------------------------------------------------------------------------
×× ليه الاهلوية ما بيشربوش ميه ؟
علشان لو عطشوا هيقولوا (إنبو)
---------------------------------------------------------------------------
×× ليه مفيش ولا أهلوى انتحر بالنار ؟
علشان لما يولع ف نفسه هيجيب بترول من أسيوط
--------------------------------------------------------------------------
×× أهلاوي اخد من المعصرة القصب في كيس .. قال لصاحب المعصرة ليه فى كيس؟
قاله : وشك مش وش كااااس
------------------------------------------------------------------------
×× واحد اهلاوي قاعد في المدرجات عمال يقول اهلي اهلي الناس اتخضت عليه افتكروه عيّل تايه
-----------------------------------------------------------------------
×× ايه الفرق بين برت بلاس والاهلي؟
برت بلاس 3 في 1 لكن الاهلي 3 في الحضري

تعليقات