علاء الدين ظاهردشن عدد من الأثريين حملة علي الفيس بووك تحت عنوان" كنــوز معارضنــا ماتطلعش بــره بلدنــا",الهدف من الحملة وألية هملها نتعرف علي كل هذا من خلال الحشاب الخاص بها علي موقع التواصل الإجتماعي وجاء فيه:
هناك من يقول نعم للمعارض الخارجية للآثار المصرية اللى بتلف العالم كله ، و هناك من يرفض هذه الفكرة لأنه يشك أن الآثار تتلف و تتعرض لخطر السرقة دائماً حتى لو على كل قطعة تأمين بالملايين ، لأننا لو فقدنا قطعة أثرية يبقى بالظبط أكننا فقدنا جزء من تاريخ مصـــر و مفيش حد هيعوضنا عنه أبداً
علشان كده إحنا بنقدم فكرة بسيطة و سهلة و ممكنة جداً ،... الفكرة مش فكرتنا كمؤسسين للحملة ، لكن الفكرة معمول بيها فعلاً لكن نريد أن نطبقها على معارضنا الخارجية ..
الفكرة بإختصار هي : إنه بدل ما يتم عرض القطع الأثرية في فتارين في أي معرض .. نحط قطع مقلدة أو مستنسخة و نعمل صورة أو أكثر لكل قطع أثرية و تكون الصور دي مثلاً مقاسها 1.5 × 2 متر .. و تتصور القطعة الأثرية دي على أعلى مستوى .. و تتثبت الصور الكبيرة دي على إستاندات خشبية أو على الحائط و السياح يشوفوها عادي جداً و كأن القطعة الأثرية قدامهم بالظبط ... بل بالعكس الصور الكبير للقطع الأثرية تبين أكثر من القطعة الأثرية نفسها تفاصيل و جمال القطعة ..
و بكده نكون ضربنا 3 عصافير بحجر واحد زي ما بقولوا .. العصفور الأول إننا مانطلعش آثارنا النادرة بره و فيه إحتمالات إنها ممكن تتسرق وتتنسخ و ترجعلنا النسخة بدل الأصل أو يلحقها الضرر ..
و العصفور الثاني .. إن السائح بردو مايتحرمش من حضارتنا و آثارنا و يقدر يشوف
تفاصيل القطعة الأثرية عن طريق الصور و القطع المستنسخة أو المقلدة ..
و العصفور الثالث .. حتكون بردو القطع الأثرية مازالت سفراء لينا بره عن طريق صورها و القطع المستنسخة
الحملة كانت قائمة و كان الجزء الأول منها الناس إستجابت للحمة بشكل رائع و ده الجزء الثاني منها ..
نتشرف جداً نحن مؤسسوا الحملة بإنضمامكم لينا ، و الحملة عمرها ماهتنجح أبداً إلا بيكوا يا شباب مصر ، فاكرين لما نزلتوا و قمتوا بحماية المتاحف المصرية و أولهم المتحف المصري في التحرير !!؟
منتظرينكم تحموا آثاركم اللى بتخرج بره من سنين و مش بترجع تاني
تنبيه هام :-
مؤسسوا الحملة هم مؤسسوا جروب (من حقنا نحقق حلمنا) و جروب و صفحات (محاربة الفساد داخل وزارة الدولة لشئون الآثار من الجزء الأول إلى الرابع) .
مؤسسوا الحملــة :
حسام محمد عبد العظيم (مؤسس الجزء الأول للحملــة)
أحمد السبعاوي
منار حافــظ
آلاء غانــم
أميــرة يحــي
مــروة عبد الحمــيد
فــاطمة عبد الســلام
مصطفـى حســن
عمــرو مصطــفى
تعليقات